"ბარსელონამ" მალკომის ტრანსფერი ოფიციალურად დაადასტურა

რამდენიმე წუთის წინ ოფიციალურად დადასტურდა, რომ 22 წლის ბრაზილიელი შემტევი მალკომი "ბარსელონადან" სანკტ პეტერბურგის "ზენიტში" გადადის.

კატალონიური კლუბის ოფიციალური ვებგვერდის ინფორმაციით, "ბლაუგრანა" ფეხბურთელში 40 მილიონ ევროს მიიღებს. შეთანხმება 5 მილიონის ბონუსებსაც ითვალისწინებს.

მალკომი "ბარსელონაში" გასული წლის ზაფხულში გადავიდა. კატალონიური გუნდის მაისურით მან 24 თამაში ჩაატარა და 4 გოლი გაიტანა.