გრიზმანი: ვამაყობ, რომ "ბარსელონას" უარი ვუთხარი

მადრიდის "ატლეტიკოს" ფრანგი თავდამსხმელი, ანტუან გრიზმანი "ბარსელონაში" გადასვლაზე უარის თქმას არ ნანობს.

"ბარსელონაზე" უარის თქმა? ეს ჩემი გადაწყვეტილება იყო და მე ამით ვამაყობ. ახლა "ატლეტიკოსთან" ერთად ახალი სეზონის მოლოდინში ვარ. სულ მალე ევროპის სუპერთასისთვის ბრძოლა მოგვიწევს და ჩვენ მის მოგებას ვაპირებთ." - განაცხადა გრიზმანმა.

შეგახსენებთ, რომ გასული სეზონის დასრულებისას "ბარსელონა" მზად იყო ანტუან გრიზმანის კონტრაქტის გამოსასყიდი თანხა გადაეხადა, რომელიც დაახლოებით 100 მილიონ ევროს შეადგენდა, თუმცა ფრანგმა ფეხბურთელმა "ატლეტიკოსთან" კონტრაქტის გახანგრძლივება გადაწყვიტა.