COPE: გრიზმანმა "ბარსელონაზე" უარი თქვა
კატალონიური Sport, რადიო Cadena COPE-ზე დაყრდნობით, იტყობინება, რომ ანტუან გრიზმანმა მადრიდის "ატლეტიკოსთან" ახალი კონტრაქტის გაფორმება გადაწყვიტა.
გრიზმანმა, ცოტა ხნის წინ განაცხადა, რომ ის საბოლოო გადაწყვეტილებას მსოფლიო ჩემპიონატის დაწყებამდე მიიღებს. ესპანელი ჟურნალისტების ცნობით, ფრანგმა არჩევანი უკვე გააკეთა - ის "ბარსელონაზე" უარს ამბობს და "ატლეტიკოში" რჩება.
დღეს გავრცელებული ინფორმაციით, "ატლეტიკოს" იურისტები ანტუანისთვის ახალ კონტრაქტს უკვე ამზდებენ. გარდა იმისა, რომ გაიზრდება ფეხბურთელის გამოსასყიდი თანხა (რომელიც ამჟამად 100 მილიონი ევროა), კლუბი მას წლირ ანაზღაურებას 23 მილიონ ევრომდე გაუზრდის.
Sport-ის ცნობით, გრიზმანი ახალ კონტრაქტს ხელს მიმდინარე კვირის ბოლოს, ლიონში მოაწერს. სწორედ ამ ქალაქში, შაბათს, მისი საფრანგეთი აშშ-ს ნაკრებს ამხანაგურად ეთამაშება.
ამ სიახლეზე კომენტარები გათიშულია.
კომენტარები [ 16 ]