ჰანსი ფლიკის პრესკონფერენცია გვადალახარასთან მატჩის წინ
- თამაშის დრო: სამშაბათი, 16 დეკემბერი, 23:55
ხვალ "ბარსელონა" ესპანეთს თასის 1/16-ფინალის ერთმატჩიან დაპირისპირებაში "გვადალახარას" ესტუმრება. ჰანსი ფლიკმა შეხვედრის წინ პრესკონფერენცია გამართა და ჟურნალისტებთან ისაუბრა.
აშკარაა, რომ ფავორიტები ვართ, მაგრამ მინდა ეს მოედანზე ვნახო. ჩვენი მაღალი ხარისხი უნდა ვაჩვენოთ.
მნიშვნელოვანია, მატჩს როგორ მივუდგებით და დავიწყებთ. ჩემთვის ეს თამაშის ფუნდამენტია. გასულ სეზონში "ბარბასტროს" დავუპირისპირდით და ვფიქრობ, იმ მატჩში ჩვენი ხასიათი ვაჩვენეთ. ხვალ სწორედ ეს გვინდა.
ჟოან გარსია ხვალ დაისვენებს.
ტერ შტეგენი საოცარი მეკარეა. ვნახოთ, რა მოხდება. უკვე ვთქვი და აშკარაა, რომ ჟოან გარსია ჩვენი პირველი მეკარეა.
შჩესნის შესანიშნავი სეზონი ჰქონდა. მასთან ერთად 3 ტიტული მოვიგეთ. მან ასევე კარგად, სტაბილურად ითამაშა გარსიას ტრავმის დროს. ჩემთვის ის მნიშვნელოვანი ფეხბურთელია არა მხოლოდ მოედანზე, არამედ მის გარეთაც.
ჯერ არ გადაგვიწყვეტია, რომელი მეკარე ითამაშებს. ამას ხვალ გავაკეთებთ. შჩესნიც და ტერ შტეგენიც ფანტასტიკური მეკარეები არიან. ვნახოთ, რა მოხდება.
როტაციები? ხვალ გადავწყვეტთ. შესაძლოა, რაღაცები შევცვალოთ, მაგრამ მოგება გვინდა.
ლევანდოვსკი ინდივიდუალურად ვარჯიშობს, მაგრამ ხელმისაწვდომი იქნება.
ბოლო ოთხი კვირის განმავლობაში ბევრი რამ გავაუმჯობესეთ და გვინდა, განვითარება გავაგრძელოთ. ეს ყველაფერი პროცესია. გზის ბოლოში არ ვართ, წინ ნახევარი სეზონია და გაუმჯობესების დიდი პოტენციალი ჯერ კიდევ გვაქვს. გვსურს, თითოეულ თამაშში მოვუმატოთ.
ტერ შტეგენი უთამაშებლობის შემთხვევაშიც რჩება? ვფიქრობ, ეს მისი გადასაწყვეტია. მის სიტუაციაზე ვისაუბრეთ. მარკს პატივს ვცემს, რადგან ის საოცარი მეკარე და გუნდისთვის მნიშვნელოვანი ადამიანია, მაგრამ ეს მისი გადასაწყვეტია.
კასადო მარჯვენა მცველად? არა. ვფიქრობ, მისი ძლიერი მხარე ნახევარდაცვაა, იქნება ეს 6-იანის თუ 8-იანის პოზიცია.
ჩვენი მიზანი ტიტულების მოგებაა და ვფიქრობ, ეს შეგვიძლია, მაგრამ წინ გრძელი გზაა გასავლელი. კიდევ ბევრი სამუშაო გვაქვს.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 8 ]