ბეტისი-ბარსელონა - ჰანსი ფლიკის მატჩისწინა პრესკონფერენცია

ფერმინი ხვალინდელი მატჩისთვის მზადაა, მაგრამ ის სასტარტოში არ იქნება. მან, შესაძლოა, რამდენიმე წუთი ითამაშოს.

ჩემი გუნდის მჯერა. ვხედავ, რომ მოვუმატეთ. როდესაც პოზიციურად სწორად ვართ განლაგებულნი და გუნდურად ვთამაშობთ, ყველაფერი მუშაობს. სწორედ ეს მინდა.

ერიკ გარსია კონტრაქტის გახანგრძლივებას იმსახურებს. ის გასახდელში ძალიან მნიშვნელოვანი ფიგურაა.

ხვალ დე იონგიც ბრუნდება. მას გრიპი ჰქონდა. ფრენკი სასტარტოში სათამაშოდ სრულად მზადაა.

მარტინი ძალიან დისციპლინირებულია. იცი, რას გმატებს ჟერარი, როდესაც ის მოედანზეა.

მე მწვრთნელი ვარ და მხოლოდ 11 მოთამაშის არჩევა შემიძლია. ბუნებრივია, ზოგიერთი იმედგაცრუებულია, რომ არ თამაშობს. როდესაც იმედგაცრუებული ხარ, მაქსიმუმს ვერ აკეთებ. ვცდილობ, ყველასთან ვისაუბრო და შევახსენო, რომ საკუთარი თავით ისიამოვნონ - ფეხბურთელობა საოცარი რამ არის.

რაფინია? ჩვენ შესანიშნავი ურთიერთობა გვაქვს. რაფა ძალიან მნიშვნელოვანი მოთამაშეა. ის იწყებს პრესინგის დინამიკას, როგორც ბურთით, ასევე მის გარეშე.

ფეხბურთელების შეტევით და დაცვით როლებზე ხალხი ყოველთვის საუბრობს. "ატლეტიკოს" მსგავის გუნდისგან ზეწოლა ჩვენთვის ძალიან სასარგებლოა.

იამალმა დაცვაში ძალიან მოუმატა, ასევე შეტევაში. მისი დონე ფანტასტიკურია. ლამინის თამაშის ყურება მომწონს. ის არის ფეხბურთელი, რომელიც მუდმივად გაუმჯობესებას ცდილობს; რომელსაც ყოველთვის სურს წინსვლა და დაჯაბნოს მეტოქე.