სატრანსფერო ფანჯარა გაიხსნა | როგორ გამოიყურება ბარსას ამჟამინდელი შემადგენლობა?
დღეს ზაფხულის სატრანსფერო ფანჯარა ოფიციალურად გაიხსნა. "ბარსელონას" რამდენიმე ფეხბურთელის კონტრაქტის ვადა ამოიწურა, რაც იმას ნიშნავს, რომ ამ ეტაპზე ისინი "ბარსას" მოთამაშები აღარ არიან.
გუშინ "ბლაუგრანამ" დაადასტურა, რომ ხელშეკრულების ვადის ამოწურვის შემდეგ მარკოს ალონსო გუნდს ტოვებს. ასევე ვადა გაუვიდა ჟოაუ ფელიშის, ჟოაუ კანსელუსა და სერჟი რობერტოს კონტრაქტებს, მაგრამ მათ მომავალთან დაკავშირებით ჯერჯერობით გარკვეული არაფერია.
"ბარსას" პირველი გუნდის ახლანდელი შემადგენლობა ასეთია:
მარკ-ანდრე ტერ შტეგენი, ალეხანდრო ბალდე, რონალდ არაუხო, ინიგო მარტინესი, გავი, ფერან ტორესი, პედრი, რობერტ ლევანდოვსკი, რაფინია, ინიაკი პენია, ანდრეას კრისტენსენი, ფერმინ ლოპესი, ორიოლ რომეუ, ვიტორ როკე, ფრენკი დე იონგი, ილქაი გიუნდოგანი, ჟიულ კუნდე.
თითქმის გადაწყვეტილია, რომ მომდევნო სეზონისთვის კატალონიელთა პირველი გუნდის წევრები გახდებიან ლამინ იამალი, პაუ კუბარსი, ექტორ ფორტი და მარკ კასადო.
განათხოვრებული მოთამაშეები პაბლო ტორე, ხულიან არაუხო, კლემან ლანგლე, ანსუ ფატი და ერიკ გარსია, რომლების იჯარის ვადაც ამოიწურა, სავარაუდოდ, "ბარსაში" დაბრუნდებიან.
ზაფხულში შემადგენლობაში ბევრ ცვლილებას უნდა ველოდეთ. გავრცელებული ინფორმაციით, იქნება არაერთი წამსვლელი და მომსვლელი ფეხბურთელი.
ცნობილია, რომ ჰანსი ფლიკის გუნდი წინასასეზონო მზადებას 10 ივლისს დაიწყებს.
ამ სიახლეზე კომენტარები გათიშულია.
კომენტარები [ 6 ]