ჩავი: იმედი გვაქვს, რომ ამ ზაფხულს სატრანსფერო დონეზე ბოლომდე გამოვიყენებთ
ჩავი ერნანდესმა "ვალენსიასთან" მატჩამდე პრესკონფერენცია გამართა.
თავს კარგად ვგრძნობთ. ჩვენი მიზანი მეორე ადგილის დაკავება და ჩემპიონთა ლიგაზე მოხვედრაა, რასთანაც ძალიან ახლოს ვართ. "ვალენსია" არის მეტოქე, რომელიც დიდი დამსახურებებით გამოირჩევა, ბარახა კი შესანიშნავად მუშაობს. ჩვენ დინამიკურ, სწრაფი ფეხბურთის მოთამაშე გუნდს ვხვდებით, რომელიც ლა ლიგაში კარგად ასპარეზობს, თუმცა სახლში ვთამაშობთ და 3 ქულის აღების დიდი იმედი გვაქვს.
სატრანსფერო პროცესში არაფერი შეიცვლება. ახლა ყველანი ერთიანები ვართ და ყველა დეტალი დეკუსთან, პრეზიდენტთან და სპორტული კომისიის თანამშრომლებთანაა შეთანხმებული.
ზაფხულის გეგმებს დეკუ და პრეზიდენტი ოპტიმისტურად უყურებენ. გასულ სეზონში სატრანსფერო ბაზარზე მაქსიმუმი ვერ გავაკეთეთ. იმედი მაქვს, რომ ეს ზაფხული განსხვავებული იქნება.
ვიტორ როკეზე ჯერ არაფერი გადაგვიწყვეტია. წინ მსჯელობა გველის დეკუსთან, პრეზიდენტთან. ვნახოთ, ჯერ კიდევ არის წინ თამაშები.
ძალიან მონდომებული და ენერგიული ვარ, რადგან გავაანალიზეთ ყველაფერი თუ რისი გამოვლა მოგვიწია. გუნდმა კარგად ივარჯიშა და ხასიათი ყველას ეტყობა. ჩვენ დიდი მიზნებით ვერთვებით ახალი სეზონისთვის მზადების პროცესში.
- თქვა ჩავიმ.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]