რონალდ კუმანი: ენრიკეს ჩავისადმი გაკეთებული კომენტარი უადგილო იყო
"ბარსელონას" ყოფილმა ფეხბურთელმა და მწვრთნელმა, რონალდ კუმანმა ლუის ენრიკეს კომენტარი შეაფასა, რომელიც მან გუშინდელი მატჩის წინ ჩავი ერნანდესის შესახებ გააკეთა და თქვა, რომ თავად კატალონიური კლუბის საფეხბურთო ფილოსოფიას უკეთ წარმოადგენს, ვიდრე ამას ჩავი აკეთებს. გარდა ამისა, კუმანმა "ბარსელონას" საფეხბურთო დნმ-ზეც ისაუბრა.
მსოფლიოში სულ სამი ადამიანი არსებობს, ვისაც "ბარსელონას" დნმ აქვს. პირველი კრუიფია, რომელმაც კლუბის სათამაშო სტილი შეცვალა. მეორე პეპია, რომელმაც "ბარსელონაში" მუშაობისას მსოფლიოს საუკეთესო გუნდი შექმნა, მესამე კი ლიონელ მესი გახლავთ. თუ თქვენ გუნდში ლეო გყავთ, მაშინ არ გჭირდებათ, რომ დნმ-ზე ისაუბროთ, რადგან ის მუდმივად საუკეთესოს სტატუსს ინარჩუნებდა. "ბარსელონაში" მუშაობისას მიმზიდველი ფეხბურთი უნდა შექმნა, შეტევაზე იფიქრო და ტიტულებიც მოიგო, ეს ყველაფერი კი იმ ფეხბურთელებზეა დამოკიდებული, რომლებითაც შენივე გუნდია დაკომპლექტებული.
რაც შეეხება ლუის ენრიკესა და ჩავის, მე მათი შეხვედრის ამსახველი ფოტო ვნახე და ვფიქრობ, რომ ისინი კარგ მეგობრობას ინარჩუნებენ. მიუხედავად ამისა, ენრიკეს გაკეთებული კომენტარი ნამდვილად ვერ გავიგე და მგონია, რომ ის უადგილო იყო, რადგან არ შეიძლება, რომ შეხვედრამდე ასეთ განცხადებას აკეთებდე.
- თქვა რონალდ კუმანმა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 22 ]