ევერტონის პირველი პასუხი ონანაზე | ამადუს ტრანსფერი იოლი არ ჩანს
Diario Sport-ის ინფორმაციით, "ევერტონმა" ამადუ ონანას ტრანსფერთან დაკავშირებით პირველი ნაბიჯი გადადგა, რაც "ბარსელონასთვის" არც ისე დამაიმედებელია.
საქმე ისაა, რომ ინგლისურმა კლუბმა თავის დროზე ბელგიელ საყრდენში 35 მილიონი ევრო გადაიხადა, "ევერტონის" ხელმძღვანელობის მიზანი კი ისაა, რომ ონანა თითქმის გაორმაგებულ ფასში გაყიდოს, რაც კატალონიელებს საქმეს ურთულებს.
მიუხედავად იმისა, რომ "ევერტონი" ცუდად გამოიყურება, ამადუ ონანა პრემიერ ლიგაში შესანიშნავ სეზონს ატარებს, რის გამოც მის სიტუაციას არაერთი გრანდი აკვირდება, მათ შორის "ბარსელონაც", რომლის სპორტულ დირექტორსაც ონანას ვარიანტი ძალიან მოსწონს.
დეკუს სურვილია, რომ "ბარსელონამ" ძლიერი ნახევარდაცვა ჩამოაყალიბოს, საამისოდ კი პორტუგალიელმა 1.95 მეტრის სიმაღლის ფეხბურთელი შეარჩია, რომელიც ჯერ მხოლოდ 22 წლისაა და "ევერტონში" ყველასგან გამოირჩევა. იმის გამო, რომ ისედაც არასტაბილურ სეზონში "ევერტონს" დამატებით ქულები დააკლეს, მერსესაიდელები ონანას გაყიდვას გეგმავენ, თუმცა არა 35, არამედ 60 მილიონ ევროდ.
"ბარსელონა" ამ მომენტისთვის 40 მილიონზე მეტის გადახდას არ აპირებს, "ევერტონის" წარმომადგენლებმა კი ლაპორტასთვის გაგზავნილ წერილში დაადასტურეს, რომ დამატებით 20 მილიონის გარეშე ამადუ ონანას ტრანსფერზე საუბრის დაწყება არც კი განიხილება.
- წერს ესპანური წყარო.
აქვე გეტყვით იმასაც, რომ "ბარსელონასთან" ერთად ონანას დამატებას ლონდონის "არსენალი" და "მანჩესტერ იუნაიტედი" ცდილობენ.
რაც შეეხება დასახელებულ ფასს, ეს სავსებით ლოგიკურია, რადგან პრემიერ ლიგაში არსებული სატრანსფერო პოლიტიკა ფინანსური შესაძლებლობებითა და მოთხოვნებით დანარჩენებს რამდენჯერმე აღემატება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]