ლუის დიასი ლივერპულზე წნეხს ახორციელებს?!

კოლუმბიელი ფორვარდი აღიარებს, რომ საკუთარ მომავალზე სხვა კლუბებთანაც საუბრობს. ბოლო კვირებია “SPORT” იუწყება, რომ “ლივერპულის” თავდამსხმელი ლუის დიასი გახდა “ბარსელონას” მთავარი სამიზნე ზაფხულში მარცხენა ფლანგის გასაძლიერებლად. 28 წლის კოლუმბიელი ფეხბურთელი ყველაზე მეტად მოსწონს კლუბის სპორტულ დირექტორს, დეკუს, და ასევე სიმპათიებითაა განმსჭვალული მისადმი კატალონიური გრანდის მთავარი მწვრთნელი ჰანსი ფლიკი.

ბოლო დროს ინგლისიდან გავრცელდა ინფორმაცია, რომ “ბარსელონამ” უკვე პირველადი დაინტერესება გამოხატა “ლივერპულის” მიმართ, თუმცა ინგლისურმა კლუბმა ტრანსფერი ამჯერად არ დაუშვა, რადგან გუნდის მთავარი მწვრთნელი არნე სლოტი გეგმავს დიასის შენარჩუნებას მომავალი სეზონისთვის – ლუისი ერთ-ერთი მთავარი პიროვნება იყო, რომელმაც პრემიერ ლიგაში „წითლების“ წარმატებული ასპარეზობა განაპირობა. გავრცელებული ცნობების მიხედვით, “ლივერპულში” ფიქრობენ, რომ თუ მნიშვნელოვანი შეთავაზება არ მიიღეს, კლუბი დაიტოვებს ფეხბურთელს კონტრაქტის ვადის ამოწურვამდე, მიუხედავად იმისა, რომ 2027 წელს ის თავისუფალი აგენტი გახდება.

“SPORT”-ის ცნობით, “ბარსელონა” იმედოვნებს, რომ დიასი თავად იაქტიურებს, რადგან ფეხბურთელი, ზაფხულში ცვლილების მომხრეა – განსაკუთრებით კი უკმაყოფილოა ხელფასითა და მიმდინარე კონტრაქტის პირობებით, რომელიც 2027 წლამდეა.

კოლუმბიელმა უკვე განახორციელა თავის კლუბზე ზეწოლა. ეს მოხდა კოლუმბიის ეროვნული ნაკრების შეკრების მიმდინარეობისას, სადაც მათ პერუსა და არგენტინასთან მსოფლიო ჩემპიონატის საკვალიფიკაციო მატჩები ელოდებათ. დიასმა, როდესაც მისი მომავლის შესახებ ჰკითხეს, ნათლად დააფიქსირა, რომ “ლივერპულიდან” წასასვლელი კარი ბოლომდე არ დაუხურავს:

„საუბრები სხვადასხვა კლუბებთან გვაქვს, ეს ბაზარზე ნორმალურია და ვცდილობთ, საუკეთესო გადაწყვეტილება მივიღოთ. თუ ლივერპული შემომთავაზებს კარგ ახალ კონტრაქტს, ან მომიწევს დარჩენა კიდევ ორი წელი, ბედნიერი ვიქნები. ახლა ყველაფერი მათზეა დამოკიდებული,“ – განაცხადა ლუისმა.

“ბარსელონაში” არ აპირებენ 80 მილიონი ევროს გადახდას, რასაც “ლივერპული” ითხოვს დიასის სანაცვლოდ. მათ სურთ მოითმინონ, რადგან ზაფხული გრძელია და მერსესაიდულ გრანდს სჭირდება თანხები – კლუბმა უკვე გადარიცხა თანხა ჯერემი ფრიმპონგის ტრანსფერის სანაცვლოდ (40 მილიონი ევრო), და ახლოს არის ფლორიან ვირცისა (150 მილიონი ევრო) და მილოშ კერკესის (50 მილიონი ევრო) ტრანსფერებთან.