“ბარსელონა” დღეს “სპოტიფაი კამპ ნოუზე” ბილბაოს “ატლეტიკს” დაუპირისპირდება. უკვე ცნობილია გუნდის განაცხადი, რომელშიც რამდენიმე მნიშვნელოვანი სიახლეა.
სიახლეები და დაბრუნებული ფეხბურთელები
- როდრი ერნანდესი: ესპანელი ნახევარმცველი განაცხადში პირველად მოხვდა და მოსალოდნელია, რომ მისი სადებიუტო მატჩი კატალონიური კლუბის მაისურით სწორედ დღეს შედგება.
- ალეხანდრო ბალდე: “ელჩესთან” მატჩის განაცხადს მიღმა დარჩენის შემდეგ, ახალგაზრდა მცველი გუნდს დაუბრუნდა.
- ჩავი ესპარტი: ფეხბურთელი 12-ნომრიანი მაისურით ითამაშებს, რადგან დადასტურდა, რომ მას პირველი გუნდის ლიცენზია ექნება.
დანაკლისი ტრავმებისა და ტრანსფერების გამო
ახალგაზრდა მცველი ალვარო კორტესი განაცხადში არ არის, რაც კლუბიდან მის მოსალოდნელ წასვლას უკავშირდება. ჟურნალისტ მატეო მორეტოს ინფორმაციით, მისი სავარაუდო დანიშნულების ადგილი ბელგიური “როიალ ანტვერპენი” იქნება. “ელჩესთან” მატჩის მსგავსად, სიაში კვლავ არ არიან მარკ კასადო და ექტორ ფორტი – მოთამაშეები, რომლებმაც სატრანსფერო ფანჯრის დახურვამდე ახალი გუნდები უნდა იპოვონ.
კიდევ ერთი მნიშვნელოვანი დანაკლისია გავი. ანდალუსიელმა ნახევარმცველმა ჩემპიონატის სადებიუტო შეხვედრაში მარჯვენა მუხლზე ძლიერი დარტყმა მიიღო და დაისვენებს. ის ლაზარეთში ფრენკი დე იონგსა და რუნი ბარდჯის შეუერთდა. განაცხადის შესავსებად ჰანსი ფლიკმა კვლავ უხმო ახალგაზრდებს: ედერ ალერს, ბრიან ფარინიასსა და ჰამზა აბდელკარიმს.
დღევანდელ შეხვედრაში “ბარსელონა” მორიგი გამარჯვების მოპოვებასა და ლა ლიგის სატურნირო ცხრილის სათავეში დაბრუნებას შეეცდება.
ასე მალე დაბრუნდა როდრი? მე ჯერ არ გამოვიყვანდი არ გავრისკავდი
სატურნირო ცხრილში ბარსა ლიდერი არ ყოფილა. იქ 6 ქულიანები საკმაოდ არიან, აი მოგების შემთხვევაში კი ნამდვილად გალიდერდება პირველად და იმედია ჩემპიონატის დამთავრებამდეც არ ჩამოიწევს არცერთი საფეხურით.