ხავიერ ტებასი ლიგა ერთს აკრიტიკებს: მესი მთელ ფეხბურთს დააკლდა
ლა ლიგის პრეზიდენტი ხავიერ ტებასი მიიჩნევს, რომ ლიონელ მესი საფრანგეთის ჩემპიონატში გადასვლის შემდეგ მთელ ფეხბურთს დააკლდა.
კითხვაზე, ხომ არ აკლია ესპანურ ფეხბურთს მესი, ტებასი პასუხობს:
ვფიქრობ, მესი მხოლოდ ლა ლიგას არ აკლია. ის მთელ ფეხბურთს აკლია, რადგან საფრანგეთის ჩემპიონატი... არის ის, რაც არის.
მიმაჩნია, რომ რამდენი ვარსკვლავიც არ უნდა ჰყავდეს პსჟ-ს, მესის თვალს უფრო ნაკლები ადამიანი ადევნებს, ვიდრე ეს მისი "ბარსელონაში" ყოფნის დროს ხდებოდა. იმედი მაქვს, მას კარგი მსოფლიო ჩემპიონატი ექნება, რადგან ამ ტურნირზე მისი კვლავ ნახვის საშუალება გვექნება.
არ მგონია, პსჟ-სა და "ნანტის" თამაშს ყველა გულშემატკივარი უყურებდეს. "ბარსელონაში" კი პირიქით ხდებოდა.
- განაცხადა ხავიერ ტებასმა Ole-სთან საუბრისას.
მართალია, ტებასის სიტყვები სიმართლესაც შეიცავს, მაგრამ მაინც უცნაური განცხადებაა იმ ადამიანისგან, რომლის ლიგის 4 წარმომადგენლიდან სამი ჩემპიონთა ლიგის ჯგუფში ჩარჩა. სწორედ ხავიერ ტებასია ერთ-ერთი მიზეზი იმისა, რომ ლეო მესიმ "ბარსელონა" დატოვა, ასევე იმის, რომ ლა ლიგის თითქმის ყველა კლუბს ფინანსური პრობლემები აქვს, მათ შორის "რეალ მადრიდსა" და "ბარსას".
ამ სიახლეზე კომენტარები გათიშულია.
კომენტარები [ 7 ]