მანჩესტერ იუნაიტედი დეპაიში 10 მილიონ ევროს იხდის

"ბარსელონას" თავდამსხმელის, მემფის დეპაის გარშემო სიტუაცია ყოველდღიურად იცვლება.

ცოტა ხნის წინ თითქმის გადაწყვეტილი იყო, რომ ნიდერლანდელი "იუვენტუსში" უფასოდ გადადიოდა, თუმცა ცოტა ხნის წინ გაირკვა, რომ ტრანსფერი ჩაიშალა.

შემდეგ გავრცელდა ინფორმაცია, რომ ფეხბურთელით "რეალ სოსიედადი" დაინტერესდა, რამდენიმე წუთის წინ კი ჟერარ რომერომ შეგვატყობინა, რომ "მანჩესტერ იუნაიტედი" მზადაა, თავის ყოფილ ფეხბურთელში 10 მილიონი ევრო გადაიხადოს. "ბარსელონა" "სოსიედადისგანაც" იგივე თანხას ითხოვს.

Sport-ის ჟურნალისტის, ჟორდი ხილის ცნობით თავად მემფისს "სოსიედადს" "იუნაიტედი" ურჩევნია, სადაც 2015-2017 წლებში თამაშობდა, თუმცა არცთუ წარმატებით.