ბარსელონა კრისტენსენს მიმდინარე კვირაში გაიფორმებს

თითქმის გადაწყვეტილია, რომ "ჩელსის" ცენტრალური მცველი ანდრეას კრისტენსენი მომდევნო სეზონიდან "ბარსელონაში" ითამაშებს. კატალონიური პრესის ცნობით ეს საკითხი საბოლოოდ მიმდინარე კვირაში დაიხურება.

ცნობილია, რომ 25 წლის ფეხბურთელმა სამედიცინო შემოწმების პირველი ნაწილი უკვე გაიარა. თუ Sport-ს დავუჯერებთ, დანიელი უკანახაზელი მეორე შემოწმებას დღეს გაივლის, მიმდინარე კვირაში კი მისი ტრანსფერი საბოლოოდ გაფორმდება.

ანდრეას კრისტენსენი "ჩელსიში" 2012 წელს გადავიდა, ლონდონელთა პირველ გუნდში კი 2017 წლიდან თამაშობს. მის აქტივში 153 თამაშია.