ბარსელონას 19 წლამდელთა გუნდი კიევში განადგურდა

ცოტა ხნის წინ ევროპის ახალგაზრდული ლიგის მე-4 ტურის შეხვედრა დასრულდა, რომელშიც "ბარსელონას" 19 წლამდელთა გუნდი კიევის "დინამოს" თანატოლებთან განადგურდა.

უკრაინაში გამართული შეხვედრის პირველი ტაიმი "ბარსელონამ" 1-2 წაგებითა და 10 კაცით დაასრულა. მე-2 წუთზე დიალოს მიერ გატანილ გოლს კატალონიელთაგან 37-ე წუთზე გარიდომ უპასუხა, თუმცა 3 წუთზე მოედნიდან ილაიში გააძევეს, 6 წუთში კი მასპინძლები კიდევ ერთხელ პოპოვმა დააწინაურა.

შესვენების შემდეგ "ბარსამ" კიდევ 2 ბურთი გაუშვა და 1-4 წააგო.

4 ტურის შემდეგ "დინამო" პირველ ადგილზეა და კიეველებს მომდევნო ეტაპის საგზური განაღდებული აქვთ. მე-2 ადგილზე 9 ქულით "ბენფიკაა", ხოლო "ბარსელონა" 4 ქულით მე-3 პოზიციას იკავებს. ეს ნიშნავს, რომ ჯგუფიდან გასასვლელად კატალონიელებმა ორივე დარჩენილი შეხვედრა უნდა მოიგო ("ბენფიკასთან" შინ და "ბაიერნთან" სტუმრად), ხოლო "ბენფიკამ" ორივე დარჩენილი შეხვედრა წააგოს.

ჯგუფის ბოლო ადგილზე 0 ქულით "ბაიერნია", რომელმაც მომდევნო ეტაპზე გასვლის შანსი დაკარგა.

იმ შემთხვევაშიც კი, თუ "ბარსელონა" ჯგუფში ჩარჩება, არ უნდა ვიფიქროთ, რომ კატალონიელებს ცუდი თაობა ეზრდებათ. პირიქით, ასეთი შედეგის მიზეზი ისაა, რომ ჩვენი 19 წლამდელი ფეხბურთელები პირველ გუნდში თამაშობენ. თავად განსაჯეთ - გავის, ბალდეს, პედრის, დემირს, ნიკოსა და ფატის ახალგაზრდულ გუნდში თამაშის უფლება აქვთ.