ექიმებმა ანსუ ფატის თამაშის უფლება მისცეს | MD

Mundo Deportivo-ს ინფორმაციით, დღეს "ბარსელონას" თავდამსხმელს, ანსუ ფატის სამედიცინო შემოწმება ჩაუტარდა, რომელმაც დადებითი შედეგები აჩვენა. 

წყაროს ინფორმაციით, ექიმებმა ფატის გამოჯანმრთელების სტატუსი სრულყოფილად შეაფასეს და ფეხბურთელს ნება დართეს, თამაშს თანდათანობით, აჩქარების გარეშე დაუბრუნდეს.

MD-ს ცნობით, 18 წლის ტალანტის, მომდევნო ტურში "გრანადასთან" მატჩში დაბრუნება მაინც გამორიცხულია, მან შესაძლოა "კადისის" ან "ლევანტეს" წინააღმდეგ იასპარეზოს. გამოჯანმრთელების მიუხედავად, კლუბი გარისკვას არ აპირებს. 

ფატის "ბარსელონაში" წარმატების მიღწევა სურს და ხელფასის შემცირებაზეც თანახმაა. ანსუს აგენტი, ჟორჟე მენდეში კლუბის წარმომადგენლებს კონტრაქტის გახანგრძლივების საკითხის განსახილველად შეხვდება.