აგენტმა ანსუ ფატის მამას "ბარსელონას" პოზიცია გააცნო
ერთ-ერთი ყველაზე გავლენიანი საფეხბურთო აგენტი, ჟორჟე მენდეში, რომელიც დაახლოებით ერთი თვეა, ანსუ ფატის სამსახურშია, ანსუს მამას, ბორი ფატის შეხვდა. ამ ინფორმაციას Mundo Deportivo ავრცელებს.
მენდეშმა ფატის მომავალთან დაკავშირებით "ბარსელონას" პოზიცია გააცნო, რომელიც კლუბის ტექნიკურ დირექტორთან მოლაპარაკებაზე შეიტყო.
კლუბის გეგმა ასეთია: ანსუ გააფორმებს ახალ კონტრაქტს, რომელსაც ვადა 2023 წლამდე ექნება, მისი გამოსასყიდი თანხა 400 მილიონი ევრო იქნება და ფეხბურთელის ამაზე ნაკლებ ფასად გაყიდვაზე მოლაპარაკებები არ იწარმოებს, კლუბი ტრანსფერებს არ განიხილავს და ამ სეზონიდან ძირითად გუნდში ადგილსა და ახალ მაისურის ნომერს მისცემს.
"ბარსას" შემადგენლობაში და ესპანეთის ნაკრებში თავის გამოჩენის შემდეგ, კლუბის ახალი მწვრთნელი, რონალდ კუმანი ფატის დაპირდა, რომ სასტარტო შემადგენლობის წევრად აქცევს.
ამ სიახლეზე კომენტარები გათიშულია.
კომენტარები [ 6 ]