ბარსელონას სავარაუდო შემადგენლობა ბაიერნის წინააღმდეგ | Betevé-ს ვერსია

"ბარსელონა" ჩემპიონთა ლიგის 2021/22 წლების სეზონს 14 სექტემბერს, "ბაიერნთან" შინ გასამართი მატჩით დაიწყებს.

Betevé ზემოხსენებული მატჩისთვის "ლურჯ-ბროწეულისფერთა" სავარაუდო შემადგენლობას გვთავაზობს (4-3-3):

ტერ შტეგენი; დესტი, პიკე, არაუხო, ალბა; ბუსკეტსი, დე იონგი, პედრი; მემფისი, კოუტინიო, ბრეითუეიტი.

კატალონიური გამოცემის აზრით, თუ ის ფეხბურთელები, რომელთა თამაშიც საეჭვოა, გამოჯანმრთელებას მოასწრებენ, შეხვედრაში მონაწილეობას მიიღებენ. ასეთი მოთამაშეები სერჟინიო დესტი, ჟერარ პიკე, ჟორდი ალბა და ფილიპე კოუტინიო არიან. დესტმა და ალბამ დაზიანებები სანაკრებო მატჩებისას მიიღეს, პიკე ლა ლიგის მეორე ტურში დაშავდა, კოუტინიოს კი დეკემბრის შემდეგ არ უთამაშია და ტრავმა მხოლოდ ახლა მოიშუშა, შესაბამისად, მათი "რეკორდმაისტერის" წინააღმდეგ ასპარეზობა 100%-ით გადაწყვეტილი არაა.