ესპანეთის ნაკრები ოლიმპიადის ფინალში დამარცხდა
ახალხან დასრულდა ტოკიოს საფეხბურთო ოლიმპიური თამაშების ფინალი, რომელშიც ერთმანეთს ესპანეთი და ბრაზილია დაუპირისპირდნენ.
"ფურია როხა", სამწუხაროდ, დაძაბულ ბრძოლაში 1-2 დამარცხდა. მატჩში ანგარიში პირველი ტაიმის დამატებით წუთებზე ბრაზილიელთა მხრიდან სუნიამ გახსნა. მან "ბარსელონას" ლეგენდის, დანი ალვესის გადაცემით ისარგებლა. ესპანეთმა წონასწორობა 61-ე წუთზე ოიარსაბალის გოლის წყალობით აღადგინა. გუნდებს საუკეთესოს გამოსავლენად 90 წუთი არ ეყოთ, რის გამოც საჭირო გახდა დამატებითი ტაიმების დამატება.
დამატებით დროში უპირატესობის მოპოვება "სელესაომ" 108-ე წუთზე მოახერხა. საინტერესოა, რომ გოლის ავტორი "ბლაუგრანას" ყოფილი შემტევი მალკომი აღმოჩნდა, რომელიც მოედანზე 91-ე წუთზე შევიდა და რომელმაც საბოლოო ანგარიში დააფიქსირა.
ესპანეთის სასტარტო შემადგენლობაში ითამაშეს პედრიმ და ერიკ გარსიამ. მათ სრული მატჩი ჩაატარეს. ოსკარ მინგესამ შეხვედრა ტრავმის გამო გამოტოვა.
რაც შეეხება დანი ალვესს, მან პედრისა და გარსიას მსგავსად სრულად ითამაშა.
ამ სიახლეზე კომენტარები გათიშულია.
კომენტარები [ 11 ]