მცველებს შორის ჩავი ერნანდესის ფავორიტი კანდიდატი ჟიულ კუნდეა

გუნდში ანდრეას კრისტენსენის მოსვლის მიუხედავად, ამ ზაფხულში “ბარსელონა” კიდევ ერთი ცენტრალური მცველის დამატებაზე იმუშავებს.

TV3-ის ინფორმაციით, ჩავი ერნანდესისთვის ფავორიტი კანდიდატი ჟიულ კუნდეა, რაც კლუბში ყველამ იცის, მაგრამ “სევილია” ფრანგს 60 მილიონ ევროზე ნაკლებად არ გაყიდის. პოტენციური ტრანსფერი ეკონომიკური ბერკეტების გააქტიურებასა და ხელფასების შემცირებაზეა დამოკიდებული. 

ამავე წყაროს ცნობით, სიაში მეორე ადგილს კალიდუ კულიბალი იკავებს. კლუბს მისი შეძენა უფრო ნაკლები დაუჯდება, რადგან სენეგალელს “ნაპოლისთან” კონტრაქტი 2023 წელს ეწურება და გახანგრძლივებას არ აპირებს, რაც ნიშნავს, რომ იტალიელებს ფეხბურთელის გაყიდვა ამ ზაფხულში მოუწევთ. შესაძლოა, “ბარსამ” იგი ხელში 40 მილიონად ჩაიგდოს.

Mundo Deportivo-ს თანახმად, მიუხედავად იმისა, რომ “ნიუკასლი” და “ჩელსი” მზად არიან, მისი გამოსასყიდი თანხა გადაიხადონ, კუნდეს პრიორიტეტი “ბარსელონაში” თამაშია. “ბარსა” და “სევილია” შეთანხმების მისაღწევად ფორმულას ეძებენ.