მთავარ შიგთავსზე გადასვლა
ჩაერთე პროგნოზების ლიგაში და გამოიცანი მატჩების შედეგები! ითამაშე პროგნოზების ლიგა! თამაში
ჩელსი კუნდეს ტრანსფერით ისევ ინტერესდება

ჩელსი კუნდეს ტრანსფერით ისევ ინტერესდება

მოკლედ
"ჩელსი" ჟიულ კუნდეს ტრანსფერით კვლავ ინტერესდება და შესაძლოა, ფრანგი მცველის დამატება ზამთარშივე სცადოს. კუნდე მიმდინარე სეზონში "ბარსელონას" ძირითად შემადგენლობაში იშვიათად ხვდება, თუმცა კლუბთან კონტრაქტი 2030 წლამდე აკავშირებს.

ინგლისური მედიის ინფორმაციით, “ჩელსი” ჟიულ კუნდეს დამატების შესაძლებლობას განიხილავს. ფრანგი მცველი მიმდინარე სეზონში “ბარსელონას” ძირითად შემადგენლობაში იშვიათად ხვდება, თუმცა კლუბთან კონტრაქტი 2030 წლამდე აკავშირებს.

Mundo Deportivo-ს ცნობით, “ჩელსი” ჟიულ კუნდეს მიმართ ინტერესს კვლავ იჩენს და შესაძლოა, ლონდონურმა კლუბმა მისი ტრანსფერის განხორციელება უკვე ზამთრის სატრანსფერო ფანჯრის დროს სცადოს.

27 წლის ფრანგი მცველი მიმდინარე სეზონში “ბარსელონას” მიერ ჩატარებული 8 ოფიციალური მატჩიდან 6-ში შეხვედრას სათადარიგოთა სკამიდან იწყებდა. მიუხედავად ამისა, კუნდეს მიმართ ევროპული კლუბების ინტერესი არ შემცირებულა. მანამდე მისი სახელი მიუნხენის “ბაიერნსაც” დაუკავშირეს.

“ჩელსი” კუნდეს შეძენას ჯერ კიდევ 2022 წელს ცდილობდა, როდესაც ფეხბურთელი “სევილიას” ტოვებდა. საბოლოოდ, ფრანგმა არჩევანი “ბარსელონაზე” შეაჩერა, რომელმაც მის სანაცვლოდ 50 მილიონი ევრო, დამატებით კი ბონუსები გადაიხადა.

2025 წლის აგვისტოში კუნდემ კატალონიურ კლუბთან ხელშეკრულება გაახანგრძლივა. მისი წინა კონტრაქტი 2027 წლამდე მოქმედებდა, ახალი შეთანხმება კი 2030 წლის 30 ივნისამდეა ძალაში.

ინგლისური წყაროს ცნობით, “ჩელსის” კუნდეს მიმართ ინტერესი ამ დროის განმავლობაში არ დაუკარგავს. ამჟამად ლონდონურ გუნდს “რეალ მადრიდის” ყოფილი მთავარი მწვრთნელი ჩაბი ალონსო ხელმძღვანელობს.

ამჟამად კუნდე საფრანგეთის ნაკრებთან ერთად იმყოფება. ზინედინ ზიდანის ხელმძღვანელობით მან თურქეთთან 1-0 მოგებულ შეხვედრაში ძირითად შემადგენლობაში ითამაშა, ბელგიასთან 1-0 გამარჯვებასა და იტალიასთან 1-1 დასრულებულ მატჩში კი მოედანზე არ გასულა.

ზიდანმა საფრანგეთის ნაკრებში 57 მატჩის ჩამტარებელი კუნდე მეოთხე კაპიტნად დაასახელა. იერარქიაში მას კილიან მბაპე, უსმან დემბელე და ადრიენ რაბიო უსწრებენ.

ზიდანის ხელმძღვანელობით ჩატარებული სამი მატჩიდან ორში საფრანგეთის ნაკრების მარჯვენა ფლანგზე ძირითად შემადგენლობაში “იუვენტუსის” მცველი პიერ კალულუ თამაშობდა.

ითამაშე პროგნოზების ლიგა!

გამოიცანი ბარსელონას მატჩების შედეგები, დააგროვე ქულები და გახდი საუკეთესო პროგნოზისტი.

თამაში

კომენტარები (5)

  • Pirat
    Pirat ვეტერანი
    schedule 03 ოქტ 2026, 18:18

    70-80 გადაიხადონ და წაიყვანონ

    • Cule cule
      Cule cule ახალბედა
      schedule 03 ოქტ 2026, 20:34

      მაგ ფასში ვინ მოგყავს კუნდეზე უკეთესი?

      • azulgerana
        azulgerana ლეგენდა
        schedule 04 ოქტ 2026, 04:18

        ა ეგ არ იცი? joel cancelo 😂 ის ხო პოზიციურად მარჯვენა მცველია აქეთ კიდევ მშვენიერი ახალგაზრდა ბიჭი გვყავს

        • nika 54
          nika 54 ლეგენდა
          schedule 04 ოქტ 2026, 13:25

          როგორც წავიკითხე დეკუ მცველის მოყვანაზე მუშაობს ორი კანდიდატი ესპანელები არიან, ნაკრების წევრები.

          • Cule cule
            Cule cule ახალბედა
            schedule 04 ოქტ 2026, 21:11

            პორო ვითომ? ლაპორტის მოყვანას აზრი არ აქვს ვინმე ახალგაზრდა გვინდა