ტერ შტეგენი: "ბარსელონას" გულშემატკივრებს განსაკუთრებული გემოვნება აქვთ
"ბარსელონას" კარის დარაჯი მარკ-ანდრე ტერ შტეგენი აცხადებს, რომ მას სტადიონებზე საუბარი და სხვადასხვა არენებზე შექმნილ კულტურაზე დაკვირვება უყვარს.
El Pais-ისთვის მიცემულ ინტერვიუში, გერმანელმა მეკარემ "კამპ ნოუზე" შექმნილ კულტურაზე ისაუბრა და ის გერმანულ სტადიონებს შეადარა.
"ვფიქრობ, ეს ყველაფერი კულტურას უკავშირდება. მაგალითად, "კამპ ნოუზე" უნიკალური გარემოა შექმნილი. აქაური მენტალობა გერმანიის სტადიონებისგან რადიკალურად განსხვავდება. აქ, ხალხი კონცენტრირებას გუნდზე ახდენს.
"ბარსელონას" გულშემატკივრები ინდივიდუალურ დეტალებს დიდ ყურადღებას აქცევენ. როგორც ჩანს, მათ განსაკუთრებული გემოვნება აქვთ და მე ეს მომწონს.
მომწონს, როდესაც, მაგალითად, დე იონგი რამეს გააკეთებს და ხალხი ამას აღნიშნავს. ეს განსხვავებული და ძალიან საინტერესოა. ისინი მთელი თამაშის განმავლობაში არ მღერიან, მაგრამ კონკრეტულ მომენტში მხარს გიჭერენ, მაშინ, როდესაც ეს განსაკუთრებით გჭირდება."
ტერ შტეგენმა სხვა სტადიონებზეც ისაუბრა: "სან პაოლო" ("ნაპოლის" სტადიონი) ძალიან თანამედროვე არაა, მაგრამ რაღაცით განსაკუთრებულია. ეს, დიდწილად, გულშემატკივრებზეა დამოკიდებული. ასეთი თამაშები მომწონს, მაგალითად, "ბილბაოს' წინააღმდეგ, როდესაც გულშემატკივრები თავიანთ გუნდს ხმამაღლა ქომაგობენ. ეს შენთან ბრძოლას ჰგავს და ეს გამოწვევა მომწონს."
ამ სიახლეზე კომენტარები გათიშულია.
კომენტარები [ 3 ]