უსმან დემბელეს შეცვლის 6 კანდიდატი ცნობილია

უსმან დემბელეს მორიგი ტრავმის გამო, შესაძლოა, "ბარსელონას" ახალი თავდამსხმელის შეძენის უფლება მისცენ. ეს იმ შემთხვევაში მოხდება, თუ ფრანგ ფეხბურთელს 5 თვეზე მეტი დრო გაუცდება. გავრცელებული ინფორმაციით, ახალგაზრდა შემტევისთვის სეზონი დასრულებულია, ეს კი იმას ნიშნავს, რომ დიდი ალბათობით, "ბარსელონა" მის შემცვლელს დაიმატებს.

Cadena SER-ის ინფორმაციით, ერიკ აბიდალმა და კიკე სეტიენმა სატრანსფერო მიზნებზე უკვე ისაუბრეს.

Sport კი იმ 6 ფეხბურთელს ასახელებს, რომლებიც "ბარსელონაში" გადმოსვლის კანდიდატებად განიხილებიან. იმის გამო, რომ "ბარსას" მხოლოდ ესპანეთში მოთამაშე ფეხბურთელის, ან თავისუფალი აგენტის დამატების უფლება ექნება, კატალონიელები არჩევანში შეზღდულები იქნებიან.

კანდიდატთა სია:

კრისტიან სტუანი

33 წლის, ჟირონა

სეგუნდა დივიზიონში გამართულ 22 თამაშში 20 გოლი და 1 ასისტი

ვილიან ჟოზე

28 წლის, სოსიედადი

ლა ლიგასა და ესპანეთის თასზე 23 თამაშში 8 გოლი

კარლოს ბაკა

33 წლის, ვილიარეალი

ლა ლიგასა და ესპანეთის თასზე 16 თამაშში 4 გოლი

როდრიგო მორენო

28 წლის, ვალენსია

ლა ლიგაში, ჩემპიონთა ლიგასა და ესპანეთის თასზე 25 თამაშში 5 გოლი და 11 ასისტი

ლორენ მორონი

26 წლის, ბეტისი

ლა ლიგასა და ესპანეთის თასზე 24 თამაშში 10 გოლი და 3 ასისტი

ხაიმე მატა

31 წლის, ხეტაფე

ლა ლიგასა და ევროპა ლიგაზე 24 თამაშში 9 გოლი და 4 ასისტი