დე იონგმა კარიერაში პირველი წითელი ბარათი მიიღო
ფრენკი დე იონგს პირველი კატალონიური დერბიდან არც ისე კარგი მოგონებები დარჩება. ჰოლანდიელმა მატჩის ბოლომდე თამაში ვერ შეძლო, რადგან იგი მოედნიდან მეორე ყვითელი ბარათის მიღების გამო გააძევეს.
Sport-ის ინფორმაციით, ეს, დე იონგისთვის, კარიერაში პირველი წითელი ბარათი იყო.
შეხვედრის 66-ე წუთზე, დე იონგმა მონო ვერგასთან ორთაბრძოლისთვის პირველი ყვითელი ბარათი მიიღო. მეორე ყვითელი ბარათი მსაჯმა ფეხბურთელს მატჩის 75-ე წუთზე უჩვენა, შესაბამისად, ჰოლანდიელმა მოედანი დროზე ადრე დატოვა.
დე იონგმა მანამდე ყვითელი ბარათი "ოსასუნას" წინააღმდეგ მიიღო. "ბარსელონასთვის" ეს ამ სეზონში მეოთხე გაძევებული მოთამაშეა. წითელი ბარათები კლემან ლანგლემ, რონალდ არაუხომ და უსმან დემბელემ მიიღეს.
საბოლოოდ, 10 კაცით დარჩენილ "ბარსელონას"შეხვედრის 88-ე წუთზე "ესპანიოლმა" გოლი გაუტანა და მატჩი ფრედ, 2:2 დასრულდა.
ამ სიახლეზე კომენტარები გათიშულია.
კომენტარები [ 11 ]