"ბარსას" 19-წლამდელთა გუნდმა "სლავია" 4-0 გაანადგურა

უმწვრთნელოდ დარჩენილმა "ბარსელონას" 19-წლამდელთა გუნდმა ახალგაზრდულ ჩემპიონთა ლიგაზე პირველი თამაში მოიგო.

ტურნირის ისტორიაში ერთ-ერთმა საუკეთესო გუნდმა, მიმდინარე გათამაშების პირველ ტუში, დორტმუნდელ თანატოლებთან, სტუმრად, 1-2 წააგო, მეორე ტურში კი, "ინტერის" 19-წლამდელთა გუნდთან, საკუთარ კედლებში, 0-3 განადგურდა.

პირველ ორ ტურში "ბარსელონას" მწვრთნელი კლუბის ლეგენდარული მეკარე ვიქტორ ვალდესი იყო, რომელიც დაკავებული თანამდებობიდან გაათავისუფლეს. თუმცა, რადგან ვალდესმა მისი გათავისუფლების ბრძანებას ხელი არ მოაწერა, კლუბი მის შემცვლელს ოფიციალურად ჯერ ვერ ნიშნავს. ამის გამო, პრაღაში დღეს გამართულ შეხვედრაში, ფრანკ არტიგას ნაცვლად, "ბარსას" ალბერტო ენსინიას პოსო წვრთნიდა.

უგოლო პირველი ტაიმის შემდეგ, "ბარსელონას" ფეხბურთელებმა მეტოქეს 4 უპასუხო გოლი გაუტანეს. თავი კონრადმა (2-ჯერ), მორტიმერმა და ხაუმე ხარდიმ გამოიჩინეს.

3 ტურის შემდეგ, "ბარსელონასა" და "სლავიას" 3-3 ქულა აქვთ. 2 ტურში 2 მოგებით ჯგუფს "ინტერი" ლიდერობს, ხოლო "დორტმუნდს" ასევე 2 ტურში 3 ქულა აქვს. გერმანული და იტალიური გუნდები ერთმანეთს ამ წუთებში ხვდებიან და "ინტერი" საკუთარ კედლებში 2-1 იგებს.