"ბარსელონამ" "ვისელ კობე" კარლეს პერესის დუბლით დაამარცხა

რამდენიმე წუთის წინ დასრულდა "ბარსელონას" წინასასეზონო მზადების მე-2 შეხვედრა, რომელშიც კატალონიურმა კლუბმა ანდრეს ინიესტას "ვისელ კობე" 2:0 დაამარცხა.

ინიესტამ იაპონური გუნდის შემადგენლობაში პირველი ტაიმი ჩაატარა, ისევე, როგორც "ბარსელონას" კიდევ ერთმა ყოფილმა ფეხბურთელმა, დავიდ ვილიამ. რაც შეეხება სერჟი სამპერს - მან მოედანზე 90 წუთი დაჰყო.

თამაშის ორივე გოლი "ბარსელონას" 21 წლის თავდამსხმელმა, კარლეს პერესმა გაიტანა. ახალგაზრდა ფეხბურთელმა თავი 59-ე და 86-ე წუთებზე გამოიჩინა.