სპალეტი: "ბარსელონასთან" მატჩში დავინახავთ, შეგვიძლია თუ არა ნებისმიერი გუნდისთვის კონკურენციის გაწევა"

იტალიური "ინტერის" მთავარმა მწვრთნელმა, ლუჩიანო სპალეტიმ "ბარსელონასთან" გასამართი მატჩის წინ პრესკონფერენცია გამართა.

"როდესაც "ბარსელონასთან" მატჩზე ვსაუბრობთ, ჩვენ ვსაუბრობთ უმაღლესი დონის სირთულეზე, რომელიც არსებობს. "ბარსელონა" არის ორიენტირი სპორტის ნებისმიერ სახეობის მწვრთნელისთვის.

ნებისმიერი ბავშვი, რომელიც ოცნებობს ფეხბურთელი გახდეს, ლეო მესის მაისურის ყიდვას ითხოვს. მასთან ერთად ის ორჯერ უფრო სწრაფად დარბის და ყველაზე კარგად თამაშობს.

ყოველთვის ვამბობდით, რომ "ინტერს" შეუძლია ნებისმიერი მეტოქის წინააღმდეგ თამაში. ახლა კი გვაქვს შანსი დავინახოთ შეგვიძლია თუ არა რეალური კონკურენცია გავუწიოთ ნებისმიერ მეტოქეს." - განაცხადა სპალეტიმ.