ერნესტო ვალვერდე ახალ შენაძენებს არ გამორიცხავს
"ბარსელონას" დამრიგებელი ერნესტო ვალვერდე, არტურო ვიდალის ტრანსფერის შემდეგაც, ფეხბურთელების კიდევ დამატებას არ გამორიცხავს.
"მე მწვრთნელი ვარ. არ მაქვს საიმისო გასაღები, რომ გუნდისთვის სატრანსფერო ბაზარი დავხურო, ან გავხსნა. როგორც ყველა სხვა კლუბი, ტრანსფერებისთვის ჩვენც გახსნილები ვართ. ჩვენი მიზანია, შესაფერისი მომენტის არსებობის შემთხვევაში, შემადგენლობა გავაძლიეროთ. არ ვიცით, რა მოხდება. ყველაფრისთვის მზად ვართ.
ბოლო დღემდე ჩვენი კარი ღიაა. აბსურდი იქნება ვთქვათ, რომ აღარავის შევიძენთ. ზუსტად ვერაფერს გეტყვით." - ციტირებს ვალვერდეს სიტყვებს Sport.
მიმდინარე ზაფხულში, "ბარსელონამ" უკვე დაიმატა კლემან ლანგლე, არტური, მალკომი, მუსა ვაგე და არტურო ვიდალი, ხოლო გუნდიდან გაუშვა ანდრეს ინიესტა, პაულინიო, ალეიშ ვიდალი, ჟერარ დეულოფეუ, დუგლასი და ლუკა დინი.
ამ სიახლეზე კომენტარები გათიშულია.
კომენტარები [ 5 ]