ერიკ აბიდალი: დემბელეს ტრანსფერი კითხვებს აჩენს
"ბარსელონას" ფრანგ ლეგენდას, ერიკ აბიდალს ვერ გაუგია, რატომ იყიდა კატალონიურმა კლუბმა უსმან დემბელე, თუ შეტევაში სუარესის, მესისა და გრიზმანის თამაშს აპირებდა.
"თუ "ბარსელონაში" სურთ, რომ შეევაში სუარესი, მესი და გრიზმანი დააყენონ, მაშინ რა საჭირო იყო დემბელეს ყიდვა? ეს ტრანსფერი კითხვებს აჩენს.
კოუტინიოს ტრანსფერი ნიშნავს, რომ ერთ ფეხბურთელს სათადარიგოთა შორის გადანაცვლება მოუწევს. კარგია, როდესაც კლუბი უმაღლესი დონის ფეხბურთელს იმატებს, მაგრამ მწვრთნელს მკაფიო გეგმა უნდა ჰქონდეს, თუ როგორ გამოიყენებს მას.
ფეხბურთში, მომავალი ძალიან მნიშვნელოვანია. ამიტომ, კარგია, როდესაც გუნდში საუკეთესო ფეხბურთელები გყავს. გრიზმანის ყოლის შესაძლებლობა გუნდისთვის დიდი უპირატესობაა.
დემბელე ახალგაზრდა და ძალიან ნიჭიერი ფეხბურთელია. ველით, რომ ის ძველებურ დონეს დაუბრუნდება. დარწმუნებული ვარ, მას "ბარსელონაში" ყველაფერი გამოუვა. თუმცა, გუნდის შეცვლა რთული საკითხია. უსმანი ახალ პირობებს უნდა შეეგუოს." - ციტირებს აბიდალის სიტყვებს Marca.
ბოლო დროს გავრცელებული ინფორმაციით, ანტუან გრიზმანის "ბარსელონაში" ზაფხულში გადასვლა გადაწყვეტილია. ეს ნიშნავს, რომ კატალონიურ კლუბს, მომდევნო სეზონისთვის, ლიონელ მესი, ლუის სუარესი, უსმან დემბელე, ანტუან გრიზმანი და ფილიპე კოუტინო ეყოლება.
ამ სიახლეზე კომენტარები გათიშულია.
კომენტარები [ 17 ]