თურანის აგენტი: არდა "ბარსელონადან" იანვარში წავა

"ბარსელონას" ნახევარმცველის, არდა თურანის აგენტი აჰმეთ ბულუთი აცხადებს, რომ მისი კლიენტი კატალონიურ კლუბს იანვარში დატოვებს.

"ჯერჯერობით, უცნობია, სად წავა არდა, მაგრამ ის "ბარსელონას" იანვარში დატოვებს. მოლაპარაკებებს 3-4 ესპანურ, იტალიურ და ინგლისურ კლუბებთან ვაწარმოებთ. "გალათასარაისთან" კონტაქტი არ გვაქვს.

დაახლოებით 15 დღის შემდეგ საბოლოო გადაწყვეტილებას მივიღებთ. არსებობს ტრანსფერის 2 ვარიანტი - ყიდვა ან იჯარა", - თურანის აგენტის ამ სიტყვებს Goal ციტირებს.