სპორტინგის მწვრთნელი: ბარსელონა და იუვენტუსი ჩვენ შედეგს ვერ გაიმეორებენ

ლისაბონის "სპორტინგის" მთავარი მწვრთნელი ჟორჟე ჟეზუში მიიჩნევს, რომ არც "ბარსელონას" და არც "იუვენტუსს" არ შეუძლიათ საბერძნეთში ის შედეგი აჩვენონ, რაც მისმა გუნდმა დააფიქსირა.

იმ დროს, როდესაც "ბარსელონა" "იუვენტუსს" 3:0 უგებდა, იმავე ჯგუფის მატჩში, "სპორტინგი" "ოლიმპიაკოსს" პირეოსში იმავე ანგარიშით ამარცხებდა. საბოლოოდ, მასპინძლებმა 2 ბურთი კი გაიტანეს, მაგრამ 3 ქულა მაინც პორტუგალიელებს დარჩათ.

სტუმართა დამრიგებელი 2 გაშვებული გოლით უკმაყოფილო დარჩა, მაგრამ 3 გატანილით - ამაყი.

"ვერც "ბარსელონა" და ვერც "იუვენტუსი" ამ სტადიონზე 3 გოლს ვერ გაიტანენ." - განაცხადა თამაშის შემდეგ ჟეზუშმა.