“რეალმა” პირველობა “ბარსას” დაუთმო

გასული 3 წლის განმავლობაში, “ბარსელონამ” ლა ლიგის მატჩებზე ბილეთების გაყიდვა 42%-ით გაზარდა და ქვეყნის მასშტაბით პირველ ადგილზე გადაინაცვლა.

თუ წინა წლებში, ესპანეთის მასშტაბით, ყველაზე მეტ ბილეთს “რეალი” ყიდიდა, ამჯერად პირველობა “ბარსელონამ” გადაიბარა. სწორედ კატალონიელები ლიდერობენ გასული (2017/18) სეზონის მაჩვენებლებით. შემდეგ მოდიან “რეალი”, “ატლეტიკო”, “ვალენსია”, “სევილია”, “სოსიედადი”, “ვილიარეალი”, “ესპანიოლი”, “ბილბაო” და “მალაგა”.

“ბარსელონა” ამ მხრივ პრიმერას ყველაზე მზარდი გუნდების ათეულში შეხვდა, ლიდერი კი, 3-წლიან მონაკვეთში 135%-იანი მატებით, “სოსიედადია”, რომელსაც, 74%-იანი ზრდით, “ეიბარი” მოსდევს. “რეალი” ათეულში ვერ მოხვდა.

ეს შედეგები StubHub-ის კვლევის შემდეგ გახდა ცნობილი.