რთული ოქტომბერ-ნოემბერი ჰანსი ფლიკისთვის

ცოტა ხნის წინ ჩემპიონთა ლიგის 2026/2027 წლების სეზონის ლიგის ფაზის განრიგი გახდა ცნობილი. გაირკვა, რომ “ბარსელონას” წინ საკმაოდ რთული ოქტომბერი და ნოემბერი ელის.

ჰანსი ფლიკის გუნდისთვის სეზონის პირველი ნახევრის ყველაზე რთული მონაკვეთი 13 ოქტომბერს დაიწყება, როდესაც ჩემპიონთა ლიგაზე “გალათასარაის” სტუმრად დაუპისიპირდება. ამას მოჰყვება კიდევ 2 გასვლითი თამაში ლა ლიგაში “ბეტისთან” და ჩემპიონთა ლიგაზე “პარი სენ-ჟერმენთან”.

“ბარსა” “სპოტიფაი კამპ ნოუზე” 25 ოქტომბერს დაბრუნდება. პსჟ-სთან თამაშიდან 5 დღეში კატალონიელები “რეალ მადრიდს” უმასპინძლებენ.

“ელ კლასიკოს” ასევე ორი საშინაო მატჩი მოსდევს – “ალავესთან” (რომელიც ამ წუთას ლა ლიგის ლიდერია) და “ასტონ ვილასთან”, რთული მონაკვეთი კი 8 ნოემბერს “ატლეტიკოსთან” სტუმრად თამაშით დასრულდება.