ოფიციალურად: დუგლასმა “ბარსელონა” დატოვა

ცოტა ხნის წინ “ბარსელონამ” ოფიციალურად დაადასტურა, რომ გუნდის ბრაზილიელი მარჯვენა მცველი დუგლასი, მომდევნო სეზონში, თურქულ “სივასპორში” ითამაშებს.

“ბარსელონამ” დუგლასის გაყიდვა კვლავ ვერ მოახერხა და ის კიდევ ერთხელ გაანათხოვრა. ამჯერად, ეს ბოლო იჯარაა, რადგან 2019 წელს დუგლასი თავისუფალი აგენტი ხდება.

დუგლას პერეირა დოს სანტოსი “სან პაულუდან” “ბარსელონაში” 2014 წელს, გაგეცინებათ და, დანი ალვესის შემცვლელად გადმოვიდა. კატალონიელებმა მასში 4 მილიონი ევრო გადაიხადეს.

“ბარსელონას” მაისურით დუგლასმა 8 თამაში ჩაატარა. 27 წლის ფეხბურთელმა 5 ტიტულის მოგება მოახერხა.

2016/17 წლებში დუგლასი “ხიხონში” იყო განათხოვრებული, ხოლო გასულ სეზონში – “ბენფიკაში”.