“ბარსელონამ” ოფიციალური განცხადებით დაადასტურა, რომ 105 მილიონი ევროს ღირებულების ობლიგაციების ემისია წარმატებით დაასრულა. როგორც კატალონიურ კლუბში განმარტავენ, ამ ოპერაციას საერთაშორისო ინვესტორების მხარდაჭერა ჰქონდა. ობლიგაციების დაფარვის ვადა 2036 წლის ოქტომბერში იწურება, ფიქსირებული საპროცენტო განაკვეთი კი 5.14%-ია.
ეს ფინანსური ნაბიჯი “ბარსელონას” ფინანსური მდგომარეობის გაუმჯობესების საშუალებას აძლევს და კლუბს ეხმარება, რომ:
“გააგრძელოს სტრატეგიული გეგმის შესრულება, რაც ‘ბარსელონას’ ზრდისა და ფინანსური კონსოლიდაციის მიზნებთან სრულ შესაბამისობაშია”.
იდეა მდგომარეობს იმაში, რომ ნოემბერში კიდევ ერთი მსგავსი, 105 მილიონიანი ოპერაცია დასრულდეს, რათა Espai Barça-ს პროექტის განხორციელების შეფერხების ფონზე დამატებითი შემოსავალი გენერირდეს.
ამ ობლიგაციების გამოშვების შემდეგ, “ბარსელონა” ინვესტორების მხარდაჭერით კმაყოფილია, რაც კლუბის ფინანსურ ევოლუციას უსვამს ხაზს. განსაკუთრებით აღსანიშნავია ბაზრის მიერ მოთხოვნილი დიფერენციალის შემცირება. ადრე ის 240 პუნქტი იყო, ახლა კი 202-ია, რაც ნათლად აჩვენებს, რომ “ბარსელონას” პროექტის მიმართ ბევრად უფრო პოზიტიური აღქმა არსებობს.
“ბარსელონა” ასევე აკონკრეტებს, რომ ამ ობლიგაციების ემისიის მთავარი დირექტორი და განმთავსებელი აგენტი Goldman Sachs იყო, რომელიც Espai Barça-ს დაფინანსებაში კლუბის პარტნიორია.
მოკლედ დააყენა ამან გუნდი ფეხზე.
მშვენიერი
spence კაი ბიჭია ისე შეტევებშიც კარგად ერთვება სწრაფია და დაცვაშიც არაა ცუდი. ეგ და იამალი ერთ ფლანგზე სასწაული იქნებოდა ორივე ფლანგზე შუეძლია თან თამაში