“ლა მასია” ტალანტებით სავსეა და ეს 2026 წლის მსოფლიო ჩემპიონატმაც კიდევ ერთხელ დაამტკიცა. ფინალში “ბარსელონას” ახალგაზრდული სისტემის 9 აღზრდილი ითამაშებს. აქედან 8 ესპანეთის ნაკრებს წარმოადგენს, ერთი კი – არგენტინას.
ლეო მესი, ლამინ იამალი, გავი, კუბარსი, ოლმო, ერიკ გარსია, გრიმალდო, კუკურელია და ვიქტორ მუნიოსი “ლა მასიას” ის აღზრდილები არიან, რომლებიც კვირას, ნიუ-იორკში გასამართ ფინალში მიიღებენ მონაწილეობას. ეს კიდევ ერთი დასტურია იმისა, რომ “ბარსელონაში” ტალანტებს სრულყოფილებამდე ავითარებენ.
მემკვიდრეობა გრძელდება
ეს “ბარსელონას” აკადემიისთვის კიდევ ერთი საკულტო მომენტია. “ბარსელონას” გულშემატკივრებს ჯერ კიდევ კარგად ახსოვთ 2010 წლის “ოქროს ბურთი”, როდესაც პოდიუმის სამივე საფეხური “ლა მასიელებმა” დაიკავეს – მესიმ, ინიესტამ და ჩავიმ. ახლა, 16 წლის შემდეგ, მსოფლიო ჩემპიონატი “ლა მასიას” კვლავ ყურადღების ცენტრში აქცევს.
2010 წელი “ლა მასიასთვის” მსოფლიო ჩემპიონატის წყალობითაც იყო გამორჩეული. ესპანეთის ტრიუმფი აკადემიის 9 აღზრდილის მონაწილეობით იქნა მიღწეული: ვიქტორ ვალდესი, პუიოლი, პიკე, სერხიო ბუსკეტსი, ჩავი, ინიესტა, სესკი ფაბრეგასი, პედრო და პეპე რეინა.
ასე რომ, 2026 წელს, მსოფლიო ჩემპიონატის გამარჯვებულის მედალს კვლავ “ლა მასიას” დაღი ექნება. მნიშვნელობა არ აქვს ის ესპანეთის ნაკრების მოთამაშეებს (ლამინ იამალი, გავი, კუბარსი, ოლმო, ერიკ გარსია, გრიმალდო, კუკურელია და ვიქტორ მუნიოსი) ერგებათ, თუ არგენტინის რიგებში მოთამაშე ლეო მესის – ეს “ბარსელონას” აკადემიისთვის მორიგი წარმატება იქნება. როდესაც მსოფლიო მსოფლიო ჩემპიონატის ფინალს უყურებს, ის აუცილებლად უყურებს “ლა მასიასაც”.
იყოს ლეო, იამალს კიდევ ბევრი ტიტული ელოდება.
იყოს არგენტინა, იამალს კიდევ ბევრი ტიტული ელოდება.