ხორდი ალბას მდგომარეობა

როგორც იცით, კატალონიის "ბარსელონას" ესპანელმა განაპირა მცველმა, ხორდი ალბამ იტალიის ნაკრების წინააღმდეგ გამართულ მატჩში ტრავმა მიიღო.

"ლურჯ-ბროწეულისფერთა" მარცხენა მცველმა "სკუადრა აძურისთან" მატჩში მარცხენა მუხლის ქვედა მყესი დაიზიანა. ამის გამო იგი "დეპორტივოსთან" შეხვედრას გამოტოვებს, ხოლო "მანჩესტერ სიტისთან" თამაში ჯერჯერობით კითხვისნიშნის ქვეშ დგას.

შეგახსენებთ, რომ "ბარსელონა" "დეპორტივოს" 15 ოქტომბერს "კამპ ნოუზე" დაუპირისპირდება, ხოლო "მანჩესტერ სიტის" კატალონიელები 19 ოქტომბერს უმასპინძლებენ.