ჩავის ერიკ გარსიას დაბრუნება სურს
"ბარსელონას" მთავარ მწვრთნელს, ჩავი ერნანდესს სურს, რომ "ჟირონაში" განათხოვრებული ცენტრალური მცველი ერიკ გარსია მომდევნო სეზონში "ბლაუგრანაში" დაბრუნდეს.
Mundo Deportivo-ს ჟურნალისტის, ფერან მარტინესის ცნობით ჩავი გასულ ზაფხულში ერიკ გარსიას იჯარით გაშვების წინააღმდეგიც იყო.
მიმდინარე სეზონში 23 წლის კატალონიელი უკანახაზელი "ჟირონაში" ძალიან კარგად თამაშობს. მასზე დადებითად მეტყველებს ისიც, რომ დაცვის მარჯვენა ფლანგზე თამაშიც შეუძლია.
გავრცელებული ცნობებით, "ჟირონა" მზადაა, გარსიაში 15-20 მილიონი ევრო გადაიხადოს. "ბარსელონას" ფინანსური პრობლემების გამო "ბლაუგრანას" გაუჭირდება, ასეთ შეთავაზებაზე უარი თქვას, მითუმეტეს იმის გათვალისწინებით, რომ გარსია "ბარსას" უფასოდ შეუერთდა და მასში 15-20 მილიონის აღება ფინანსური ფეარ ფლეის კუთხით საკმაოდ მომგებიანი იქნება.
ამ სიახლეზე კომენტარები გათიშულია.
კომენტარები [ 12 ]