"რეალმა" ქულები კიდევ ერთხელ დაკარგა, შანსი "ბარსელონას"
მადრიდის "რეალმა" ქულები კიდევ ერთხელ დაკარგა. ამჯერად ლა ლიგის ცხრილის სათავეში მყოფმა გუნდმა, "სანტიაგო ბერნაბეუზე" "ეიბარს" ვერ მოუგო. შეხვედრა 1-1 დასრულდა, რითაც "ბარსელონას" შანსი მიეცა, პირველ ადგილზე გადაინაცვლოს, თუ კატალონიელები დღეს "სელტას" დაამარცხებენ, ისინი 1-ქულიანი სხვაობით გალიდერდებიან.
აღსანიშნავია, რომ მადრიდული გიგანტი უკვე ზედიზედ მესამე მატჩია, ქულებს ანიავებს. პირველად, მათ ასევე "სანტიაგო ბერნაბეუზე" ვილიარეალს ვერ მოუგეს, თუმცა იმავე საღამოს შექმნილი უპირატესობით ვერც კატალონიელებმა ისარგებლეს, რომლებმაც 2 ქულა "ატლეტიკოსთან" დათმეს (1-1), შემდეგ სტუმრად "ლას პალმასთან" 2-2 ითამაშეს, დღეს კი "ეიბართან" ვერ შეძლეს მოგება. შესაბამისად, რადგან "ბარსელონამ" წინა შანსი გამოიყენა, მოიგო რა "ხიხონთან" 5-0, ახლა მათ შორის სხვაობა მხოლოდ 1 ქულაა და თუ დღეს "ლურჯ-ბროწეულისფერები" "ბალაიდოსზე" 3 ქულას აიღებენ, ცხრილის სათავეში მოექცევიან.
ამ სიახლეზე კომენტარები გათიშულია.
კომენტარები [ 11 ]