"ბარსელონა", 2017 წელს, ავსტრალიაში ითამაშებს

"ბარსელონა", 2017 წლის ზაფხულში, საჩვენებელი ტურის ავსტრალიაში გამართვას გეგმავს. ამ ინფორმაციას კატალონიური Mundo Deportivo ავრცელებს.

მიმდინარე ზაფხულში, მსოფლიო ფეხბურთის გრანდები ამხანაგურ მატჩებს სხვადასხვა კონტინენტებზე ატარებენ, რითიც ისინი ფინანსურ სარგებელს ღებულობენ. "ბარსელონამ" კი, გადაწყვიტა, ფეხბურთელები არ გადატვირთოს და მიმდინარე ზაფხულში ევროპას არ გასცდეს.

თუმცა, მომდევნო წელს სიტუაცია შეიცვლება. თუ კატალონიურ პრესას დავუჯერებთ, "ბარსელონა" ავსტრალიაში გაემგზავრება და რამდენიმე საჩვენებელ თამაშს ჩაატარებს. ცნობისთვის, კატალონიელებს ამ კონტინენტზე არასდროს უთამაშიათ.