"ბარსელონა" აშშ-სა და აზიაში ტურნეზე უარს ამბობს
"ბარსელონა", მომდევნო ზაფხულში, ამერიკის შეერთებულ შტატებსა და აზიაში ტურნეზე უარს ამბობს. ამ ინფორმაციას კატალონიური Sport ავრცელებს.
ჩრდილოეთ ამერიკისა და აზიის კონტინენტებზე ზაფხულში ტურნეს გამართვა კლუბისთვის ფინანსურად მომგებიანია, მაგრამ ამას სპორტული ინტერესი ეწირება, რადგან სეზონის სტარტზე ფეხბურთელების გადაღლას იწვევს. გარდა ამისა, ის დრო, რომელიც ხანგრძლივ მგზავრობას ჭირდება, სამწვრთნელო შტაბს შეუძლია ვარჯიშებისთვის გამოიყენოს.
გავრცელებული ინფორმაციით, ხელმძღვანელობამ, კლუბის სპორტული ინტერესის გათვალისწინებით, შორეულ ტურნეზე წასვლაზე უარი უკვე თქვა. თუმცა, კატალონიელები ევროპაში საჩვენებელი მატჩების გამართვას არ გამორიხავენ. მაგალითისთვის, შესაძლოოა, "ბარსამ" "ვესტ ჰემისა" და მოსკოვის ცსკა-ს ახალი სტადიონების გახსნით მატჩებში მიიღოს მონაწილეობა.
ამ სიახლეზე კომენტარები გათიშულია.
კომენტარები [ 10 ]