მარკინიოსი პსჟ-ს ხელმძღვანელობას ეტყვის, რომ მომავალ ზაფხულში გაუშვას
როგორც ჩანს, ახალგაზრდა მარკინიოსს მოთმინების ფიალა აევსო და პსჟ-ში მომავალი სეზონიდან თამაში აღარ სურს. მიზეზი კი ისაა, რომ მას ხშირად არ უწევს ძირითადში თამაში, რადგან ძირითად ცენტრალურ მცველებად დავიდ ლუისი და ტიაგო სილვა მოიაზრებიან.
თუ le10Sport დავუჯერებთ, ბრაზილიელი აპირებს მთავარ შეფს - ნასერ ალ-ხელაიფს მიმართოს თხოვნით, რომ ზაფხულში ის სადმე გაუშვას. ეს "სადმე" ალბათ, იქნება: "ბარსელონა", "მანჩესტერ იუნატედი", "ჩელსი" ან "ბაიერნი".
მისთვის პრიორიტეტი, დიდი ალბათობით, "ბარსელონა" იქნება, სადაც მას ყოველ კვირა თამაშის გარანტია ექნება. მოგეხსენებათ, ლუის ენრიკე არ ენდობა ტომას ვერმალენს და მარკ ბარტრას, ასევე ბოლო თამაშებიდან ცუდ შთაბეჭდილებას ტოვებს ჟერემი მატიე. მას კი, პრაქტიკულად, პიკესთვის და მასკერანოსთვის მოუწევს კონკურენციის გაწევა, ეს უკანასკნელი ალბათ, უფრო ჩამშლელია, ვიდრე მცველი.
ამ სიახლეზე კომენტარები გათიშულია.
კომენტარები [ 52 ]