“ბარსელონამ” უეფას ჩემპიონთა ლიგის 2026/27 წლების სეზონის ლიგის ფაზისთვის პირველი გუნდის 25-კაციანი A სია ოფიციალურად წარადგინა. განაცხადში მოხვდნენ ახალგაზრდები – ჰამზა აბდელკარიმი და ჯესი ბისივუ, თუმცა სიაში ვერ ვხედავთ რუნი ბარდჯის, რომელსაც მუხლის მძიმე ტრავმის გამო მთელი სეზონის გამოტოვება მოუწევს.
რატომ მოხვდნენ ჰამზა და ბისივუ A სიაში?
ეგვიპტელი და ბელგიელი შემტევები ლა ლიგაში სარეზერვო გუნდის ნომრებით არიან რეგისტრირებულნი (შესაბამისად, 29 და 27) და ამავე ნომრებით იასპარეზებენ ევროარენაზეც. თუმცა, უეფას რეგულაციების გამო მათი A სიაში შეყვანა გახდა საჭირო: იმისთვის, რომ ფეხბურთელი B სიაში დარეგისტრირდეს, მას კლუბის აკადემიაში უწყვეტად მინიმუმ ორი წელი (ან სამი წელი მაქსიმუმ ერთწლიანი იჯარით) უნდა ჰქონდეს გატარებული. ვინაიდან ჰამზას და ბისივუს ეს კრიტერიუმი ჯერ არ უფიქსირდებათ, კლუბმა ისინი პირველი გუნდის კვოტით დაარეგისტრირა.
ბრიან ფარინიასი B სიაში
რაც შეეხება აკადემიის აღზრდილებს (რომელთა სიის განახლებაც უეფაში მატჩამდე 24 საათით ადრეა შესაძლებელი), იქ ბრიან ფარინიასი მოხვდა. ნახევარმცველს, რომელსაც ლა ლიგაში პირველი გუნდის 4-ნომრიანი მაისური ერგო, ჩემპიონთა ლიგაზე B სიის წევრად 28-ნომრიანი მაისურით ვიხილავთ.
forum კომენტარები (0)