ჰანსი ფლიკმა და მისმა გუნდმა მიმდინარე კვირის მეორე სავარჯიშო სესია დაასრულეს. მოედანზე გამორჩეულ ფიგურებს შორის იყვნენ ფრენკი დე იონგი, კარიმ ადეიემი და ჰამზა აბდელკარიმი. ნიდერლანდელმა ნახევარმცველმა სესიის გარკვეული ნაწილი საერთო ჯგუფთან ერთად ჩაატარა, გერმანიის ნაკრების შემტევი ადეიემი კი სანაკრებო პაუზის დასრულების შემდეგ “სიუტატ ესპორტივაზე” ვარჯიშს ოფიციალურად დაუბრუნდა.
მზადება გრძელდება
ორშაბათს სამუშაო რეჟიმში დაბრუნების შემდეგ, პირველი გუნდის ხელმისაწვდომი ფეხბურთელები ზედიზედ მეორე დღეა სრული დატვირთვით მუშაობენ. სამშაბათის სესიაში “ბარსა ატლეტიკიდან” და ახალგაზრდული გუნდებიდან ასევე მონაწილეობდნენ მაქს ბონფილი, ბაბა კურუმა, ჟორდი პესკერი, ჰამზა, შეინ კლუივერტი და ოსკარ გისტაუ.
ახლა მთელი ყურადღება ლა ლიგის განახლებაზეა გადატანილი – შაბათს “ბარსელონა” “სპოტიფაი კამპ ნოუზე” “ხეტაფეს” უმასპინძლებს. შეხვედრამდე ფლიკის გუნდს კიდევ რამდენიმე ვარჯიში ელის, დარჩენილი ფეხბურთელები კი გუნდს მომდევნო დღეებში ეტაპობრივად შეუერთდებიან.
არგენტინის თამაშის ყურებას სად აპირებთ?