ბართომეუ: "ბარსელონა" მეკარეს არ შეიძენს"

კატალონიის "ბარსელონას" ვიცე-პრეზიდენტმა ხოსეპ მარია ბართომეუმ განაცხადა, რომ კლუბს იმედი აქვს ვალდესი საკუთარ კონტრაქტს ბოლომდე შეასრულებს. შეგახსენებთ, რომ ვალდესის კონტრაქტი 2014 წლის ზაფხულში იწურება ფეხბურთელმა კი უკვე განაცხადა, რომ კონტრაქტს არ გაახანგრძლივებს რადგან სხვა ჩემპიონატშიც სურს ძალების მოსინჯვა. 

"ჩვენი კლუბის პრეზიდენტი სანდრო როსელი უკვე ესაუბრა ვალდესს და უთხრა, რომ ჩვენ ყოველთვის მზად ვიყავით მასზე კონტრაქტი გაგვეხანგრძლივებინა და რადგან ჩვენ ყოველთვის შესაბამის სპორტულ კომპონენტებს ვარჩევთ გვსურს, რომ ვალდესმა საკუთარი კონტრაქტი და შეთანხმება ბოლომდე გამოიმუშავოს. ამ შემთხვევაში ჩვენ არ ვაპირებთ ზაფხულში მის ტრანსფერზე დაყენებას და ახალი მეკარის შეძენას." - განაცხადა ბართომეუმ.