“ბარსელონასთვის” “სევილიას” ნახევარმცველის, ვიტოლოს შეძენა ძალიან რთული იქნება. ანდალუსიური კლუბი ფეხბურთელის სანაცვლოდ არანაკლებ 40 მილიონ ევროს ითხოვს, იტყობინება Sport.
ვიტოლო “სევილიაში” 2013 წელს, “ლას პალმასიდან”, 3,2 მილიონი ევროს სანაცვლოდ გადავიდა. ამ მომენტისთვის, ფეხბურთელის მომსახურებით არა მხოლოდ კატალონიური კლუბი, არამედ მადრიდის “ატლეტიკო” და “მანჩესტერ სიტიც” ინტერესდებიან.
ესპანეთის ჩემპიონატის 36 ტურის ჯამით, ვიტოლომ 28 მატჩში მიიღო მონაწილეობა, გაიტანა 4 გოლი და გააკეთა ამდენივე შედეგიანი გადაცემა.
