ჩატარდება თუ არა "ბარსელონა"- "ნაპოლი" ცარიელ ტრიბუნებზე?

ესპანეთის ჯანდაცვის სამინისტრომ "ვალენსიასა" (vs "ატლანტა") და "ხეტაფეს" (vs "ინტერი) ურჩია თავიანთი თამაშები კორონავირუსის ევროტურნირებზე ცარიელ ტრიბუნებზე ჩაეტარებინათ. თუმცა, ამავე რეკომენდაციას არ იძლევა სამინისტრო "ბარსელონა" VS "ნაპოლი" მატჩზე.

სპორტის მინისტრმა ირენე ლოსანომ განაცხადა, რომ ნეაპოლი რისკის ზონაში მყოფი მხარე არ არის, ამიტომ "კამპ ნოუზე" გასამართ შეხვედრას მაყურებელი უნდა დაესწროს.

"რომი და ნეაპოლი რისკზონაში არ არიან." - ციტირებს მინისტრის სიტყვებს Marca.

ლოსანომ ლა ლიგის მატჩებზეც გაამახვილა ყურადღება და აღნიშნა, რომ ჯერჯერობით ესპანეთის ჩემპიონატის თამაშების გადადება არ განიხილება.

იტალიაში კორონავირუსია (covid19) გავრცელებული, განსაკუთრებით, ქვეყნის ჩრდილოეთ ნაწილში. ოფიციალური მონაცემებით, კორონავირუსით იტალიაში 79 ადამიანი გარდაიცვალა, დაინფიცირებულთა რაოდენობა კი 2500-ს აჭარბებს.