ივან რაკიტიჩი: ბარსელონაში სეირნობისთვის და პლაჟზე გართობისთვის არ ვარ
"ბარსელონას" ძირითად შემადგენლობაში ყველაზე ხშირად მყოფი ფეხბურთელის სტატუსით სარგებლობის შემდეგ, ივან რაკიტიჩი ერნესტო ვალვერდეს გეგმებში აღარ შედის და, მიმდინარე სეზონში, ხორვატმა ნახევარმცველმა მოედანზე ძალიან ცოტა დრო გაატარა.
რაკიტიჩი ამ სიტუაციით კმაყოფილი არ არის.
"არ ვიცი, ახლა რა მოხდება. მე მინდა, რომ ვითამაშო და გუნდში უბრალოდ არ ვირიცხებოდე. ყველაფერს გავაკეთებ იმისთვის, რომ ეს შეიცვალოს.
კონტრაქტი კიდევ ორი წლის განმავლობაში მოქმედებს და ბარსელონაზე უკეთეს ადგილს სათამაშოდ ვერ ვიპოვი, მაგრამ მე მოედანზე ყოფნა მინდა. აქ სეირნობისთვის და პლაჟზე გართობისთვის არ ვარ.
კლუბს ვესაუბრე და ყველამ იცის, რომ სხვა კლუბში გადასვლის რეალური ვარიანტი მქონდა. მე ვთქვი, რომ ბრძოლას ვაპირებ, მაგრამ, თუ არაფერი შეიცვლება, საუბარი ხელახლა მოგვიწევს". - ამბობს რაკიტიჩი.
ამ სიახლეზე კომენტარები გათიშულია.
კომენტარები [ 4 ]