"ატლეტიკო VS "ბარსელონა" - წინასამატჩო მიმოხილვა
ლა ლიგის 31-ე ტურის ცენტრალურ შეხვედრაში "ბარსელონა" "ატლეტიკო მადრიდს" "კამპ ნოუზე" უმასპინძლებს და, შეიძლება ითქვას, საჩემპიონო მატჩს გამართავს, რომლის შედეგსაც დიდი მნიშვნელობა ექნება ორივე კლუბისთვის.
ურთიერთშეხვედრები
კატალონიური კლუბი "ატლეტიკო მადრიდდთან" ლა ლიგის ეგიდით გამართულ ბოლო 17 თამაშში არ დამარცხებულა. კლუბებს შორის სეზონის პირველი მატჩი "ვანდა მეტროპოლიტანოზე გაიმართა" და 1:1 დასრულდა. უსმან დემბელეს მიერ ბოლო წუთებზე გატანილმა გოლმა კატალონიელებს ქულა მოუპოვა. ჩემპიონთა ლიგაზე კი საპირისპირო მდგომარეობაა. "როხიბლანკომ" "ბარსელონა" ორჯერ გამოაგდო ჩემპიონთა ლიგიდან.
სატურნირო მდგომარეობა
"ბარსელონა" პრიმერა დივიზიონს დამაჯერებლად 70 ქულით ლიდერობს, "ატლეტიკოს" კი 62 ქულა აქვს. მადრიდულმა კლუბმა ბოლო 12 შეხვედრიდან 9 მოიგო ისე, რომ გოლი არ გაუშვია, თუმცა ჩემპიონთა ლიგიდან "იუვენტუსმა" გამოაგდო, ხოლო კოპა დელ რეიდან - "ჟირონამ". რაც შეეხება "ბარსელონას", კლუბი სამივე ფრონტზე აგრძელებს ბრძოლას და ცდილობს სეზონი ტრებლით დაასრულოს.
ამ სიახლეზე კომენტარები გათიშულია.
კომენტარები [ 5 ]