ვალვერდე: დემბელეს საკითხი ამოიწურა?.. ხვალ ვარჯიში გვაქვს...

"ბარსელონას" მთავარმა მწვრთნელმა, ერნესტო ვალვერდემ, "ტოტენჰემთან" გუშინ გამართული შეხვედრის (1:1) შემდეგ ჟურნალისტებთან ისაუბრა.

"დემბელეს გოლი შესანიშნავი იყო. ის ცივსისხლიანია. ამის გაკეთება მხოლოდ ასეთი ნიჭის მქონე მოთამაშეებს შეუძლიათ. მისით კმაყოფილები ვართ, დანარჩენი კი მოგვარებადია.

ალენიასგან ბევრს ველით. მისი გვჯერა. ის თამაშობს შეხვედრებში, სადაც დიდ ზეწოლას განიცდის, მაგრამ ამას შესანიშნავად უმკლავდება. მან დაამტკიცა, რომ "ტოტენჰემის" ზეწოლის გაძლება შეუძლია.

ჩვენი ჯგუფი ორი ყველაზე რთულიდან ერთ-ერთი იყო. კიდევ ერთ მიზანს მივაღწიეთ.

სილესენი? გაგვიმართლა, რომ 2 შესანიშნავი მეკარე გვყავს. ზოგჯერ, ამასთან გამკლავება ადვილი არააა, მაგრამ ორივე მათგანით კმაყოფილები ვართ.

ამოიწურა თუ არა დემბელეს საკითხი? არ ვიცი. თქვენ შეგიძლიათ იფიქროთ, რაც გინდათ, ჩვენ კი ხვალ ვარჯიში გვაქვს (იცინის)."